2014/11/17

CHILDREN SEE. CHILDREN DO (ZER IKUSI HURA IKASI)


Azaroaren 25, “Emakumeenganako indarkeriaren aurkako nazioarteko eguna” ospatzen delarik, horren inguruko proposamen didaktikoa eskeintzen dizuegu. Laburmetraia bat da eta espero dugu atsegina eta arina izatea...



2014/10/31

Amasa-Villabonako Fleming ikastetxeko ikasleen bisita jaso du Tolosaldeko Ataria-k.


Bederatzi eta hamar urteko hogeita hamar bat ikasle Tolosaldea lantzen ari dira, eta eskualdeko 28 herriren albisteak nola lantzen diren jakin nahi izan dute, bertatik bertara.
Bi irakasle lagun zituztela etorri ziren ikasleak Ataria-ra.Trena hartuta egin zuten Villabonatik Tolosarako bidea, eta etxeko lanak eginda gerturatu ziren erredakziora. Hainbat galdera prest zituzten kazetariei egiteko, baina beste hainbat bertan bururatu zitzaizkien kazetari txikiei. Erredakzioa, bilera gela edota irrati estudioa ikusteaz gain, webgunea, egunkaria, astekaria eta irratia nola egin eta elikatzen diren ikusi ahal izan zuten. Kazetariekin, kudeatzailearen edota komertzialarekin hitz egiteko aukera izan zuten.
Ataria irratiko Pasahitza saioan zuzen-zuzenean sartu ziren ikasleak bost taldetan banatuta.


Oskar Tenak eskaintzen duen artearen txokoan sartu ziren hainbat ikasle, eta arteaz hitz egiteko aukera izan zuten. Azkena sartu zen taldeak gustuko abesti bat eskatzeko aukera ere izan zuen. Hamaiketako egin, eta trenerako bidea hartu zuten.

http://ataria.info/amasa-villabona/1414663827999

Haur eta Gazte literatur GIDA 2013


“Haur eta Gazte Literatura, 2013. Irakur Gida” talde baten lan jarraituaren emaitza bat aurkezten dizuegu.
2013.urtean euskaraz publikatu diren liburuen zerrenda agertzen da. Ondoren, sailkapen bat egiten da: liburu gomendagarriak eta oso gomendagarriak.
Bestalde, agertzen den adina orientagarria da.
Gida hau lagungarri izan dakizula!

2014/09/16

MUGIKORTASUN ASTEA

Aste honetan, irailaren 16tik 22ra, Europako herrialde guztietan “mugikortasun astea” ospatzen da. Dakigunez, autoaren gehiegizko erabilpena arazo larria bihurtu da. Beraz, gure ingurumena eta osasuna zaintzeko oinez ibiltzearen garrantzia eta oinezkoen segurtasuna aldarrikatu nahi ditugu.

Hori dela eta, gurasoek aurtengo ikasturtean “Eskolara oinez” proiektua martxan jarri dute. Guk proiektu horrekin bat egiten dugu, beraz, animatzen zaituztegu bertan parte hartzea.

Azkenik, gogoratu irailaren 22an “autorik gabeko eguna” ospatzen dela. Horregatik, egun horretan ahal dugun guztiok ESKOLARA OINEZ etorriko gara.


2014/09/08

ESKOLARA OINEZ

Ikasturte honetan Fleming ikastetxeko gurasoek "Eskolara oinez" proiektua martxan jarri dute. Argazkietan ikusten den bezala ikasleak poz-pozik doaz  lehenengo egunean.